Burger Home...真係好味抵食！
身為灣仔友，當然對附近的食肆走馬燈般的轉變特別留意，最近幫襯了一間手打漢堡店，數數手指已在灣仔交加里經營近十年了。
由最初的街頭立食形式（即是在舗頭門口叫餐，企喺街邊度食，只做外賣），做到現在小店有時尚裝潢有堂食，能夠在灣仔企穩咁多年，實力一定有番咁上下。
回憶這店初開時，是以街頭外賣食店形式運作，除了漢堡外，還有提供其他食品。
當時已覺得這店的漢堡特別好味，到後來他們轉型為主打自家製手打漢堡，增加多款選擇。
記得當時市面是沒有太多這類食店，它可算是手打漢堡店潮流的元祖級創始者之一。
直到最近再去食，發覺Menu沒有太大的轉變，除了經典手打牛肉漢堡外，還有熱賣的芝心牛肉漢堡，得意的奇脆豬柳堡，
大包圍的招牌海陸空三堡和芝士澳洲和牛堡等，選擇仍然充足，加上特色的千層西多塔，通通都是之前的好味回憶。
當天小弟經過左思右度之後，還是決定重溫經典的芝士手打牛肉漢堡和美祿千層西多塔。
芝士手打牛肉漢堡仍是美味如昔，整個漢堡用油面紙包好，方便進食時配料肉汁唔會跌到滿手。
麵包是老闆專門找餅店每日焗製，夠新鮮軟熟。
漢堡扒有差不多2cm厚，即叫即製，肉質結實牛肉味濃厚，生熟程度剛剛好夠Juicy，唯比以前縮了水，口感爭了一點，略嫌未能盡興，但仍是十分滋味！
美祿千層西多塔係將麵包切正方粒粒，以西多士做法沾蛋漿炸至金黃色，淋上煉奶朱古力漿灑上美祿粉。西多粒一件件層層疊疊堆成塔狀，煉奶、朱古力漿和美祿粉在碟上畫花，擺碟就像一幅藝術品，滿足視覺享受，食落每粒都充滿蛋香及淡淡的朱古力奶香，可謂色香味俱全，食完漢堡加上呢個甜品，大滿足！
兩樣夾埋都只是$60，同以前的價格相差不大，比較起出面其他的漢堡專門店一個漢堡都動輒$60以上的收費，算是抵食。
唔怪得不停有學生哥和上班族嚟幫襯啦！
古家私房菜
本肥仔廚藝不算精湛，勝在有三心兩意－－用心、耐心、貼心、創意同心意，見到朋友食得開心嘅同時，我亦覺高興！
Search